Aloqa harbiy institutida CTF musobaqasi bo'lib o'tdi

2024-02-10
Post Thumbnail

Aloqa harbiy institutida CTF musobaqasi bo'lib o'tdi

          Axborot-kommunikatsiya texnologiyalari va aloqa harbiy instituti kursantlari o'rtasida CTF musobaqasi tashkil qilindi. O‘zbekiston Respublikasi Prezidentining “Raqamli O‘zbekiston – 2030 ” strategiyasini tasdiqlash va uni samarali amalga oshirish chora-tadbirlari to‘g‘risidagi farmoni doirasida belgilangan vazifalarni bajarish maqsadida mamlakatimizning barcha sohalariga axborot-kommunikatsiya texnologiyalarini keng joriy etish bo‘yicha kompleks chora-tadbirlar amalga oshirilmoqda.

          Hozirgi vaqtga kelib raqamlashtirilayotgan infratuzilmalarning kiberxavfsizligini va ularni uzluksiz ish faoliyatini ta’minlash maqsadida bilimga chanqoq yoshlarga bo‘lgan talab kundan-kun o‘sib bormoqda. Ushbu yo‘nalishda kursantlarning bilim darajalarini sinovdan o‘tkazish va munosib rag‘batlantirish maqsadida joriy yilning 10- fevral kuni Respublikamizda samarali faoliyat yuritib kelayotgan Cyber-Bro kompaniyasi hodimlari tomonidan CTF (Capture the flag) turniri o‘tqazildi.

1-o‘rin: Tarmoq va axborot tizimlari xavfsizligi kafedrasi 5-bosqich kursanti Sardor Axmedov Dadajon o‘g‘li;

2-o‘rin: Axborot texnologiyalari va dasturiy injiniring kafedrasi 5-bosqich kursanti Sanjarbek Mamayunusov Abdulla o‘g‘li;

      3-o‘rin: Axborot texnologiyalari va dasturiy injiniring kafedrasi 5-bosqich kursanti Diyorjon Mamajanov Zafarjon o‘g‘li.