24 sentabr 2026
Toshkent shahrida “ICTWEEK UZBEKISTAN – 2026” AKT haftaligi doirasida axborot-kommunikatsiya texnologiyalari sohasidagi zamonaviy yutuq va innovatsiyalar namoyish etilmoqda.
🏢 Tadbir doirasida “CAEx” (Central Asian Expo Uzbekistan) majmuasida tashkil etilgan “ICT EXPO – 2026” xalqaro ko‘rgazmasiga Harbiy xavfsizlik va mudofaa universiteti Axborot-kommunikatsiya texnologiyalari va harbiy aloqa instituti ofitserlari hamda kursantlari ishtirok etdi.
🔍 Unda harbiy xizmatchilar ko‘rgazma pavilyonlarida taqdim etilgan zamonaviy axborot-kommunikatsiya texnologiyalari, innovatsion yechimlar, milliy va xalqaro IT-ishlanmalar bilan yaqindan tanishdi.
⭐ Qayd etish joizki, mazkur tadbir bo‘lajak harbiy aloqachilarning zamonaviy texnologiyalar bo‘yicha bilim va ko‘nikmalarini mustahkamlash, kasbiy salohiyatini oshirish hamda sohadagi ilg‘or tajribalarni o‘rganish uchun muhim amaliy ahamiyat kasb etdi.